Nytt kamera!

Eg er så nøgd! Etter iherdig surfing, lesing og leiting over laaaang tid etter nytt kamera har eg endeleg funne det! Eit kompakt spegelreflekskamera frå Olympus, som er lett å putta i veska, og som både har det eg treng for å ta bilete i farta, og for å eksperimentera med. Eg er veldig nøgd med farge-attgjevinga, som er noko av det viktigaste for meg når eg knipsar. Og no har eg ferie og alt! Eg er overtydd om at dette blir ein bra sommar. 

PJ Harvey i operaen

Heilt, heilt elektrisk! Eitt piano, 3-4 gitarar, ein trommeboks, eit munnspel og nokre andre dingsar var alt som skulle til. Og PJ Harvey si heilt utrulege røyst. Nett no går eg bananas på iTunes. 

Sex and the City - The Movie

No har eg òg sett han. Dette blir oppsummeringa:

Håret til Miranda/Cynthia Nixon var fantastisk. Eg vart inspirert til å klippa meg. Berre så synd det krev tolmod å ha så kort og fabelaktig hår. Det er mogleg eg treng ein assistent òg.

Organisk liv

Eg har starta eit nytt liv. Eg har byrja og kjøpt berre organiske beauty products. Dvs shampo, balsam, kremar, kosmetikk o.l. Eg tykkjer argumenta for å gjera det er mange. Grønn hverdag skriv mykje lurt om det.

Mitt første innkjøp var reinsemjølk frå Dr. Hauschka (Smart Club sel det!) Frå før har eg dyre reinseprodukt frå Clinique og Dermalogica, men denne reinsemjølka er himmel i forhold. Etter å ha reinsa andletet, er huda glatt som silke, og eg treng ikkje å ha på krem etterpå ein gong, noko eg må etter å ha brukt dei andre produkta, som gjer at huda blir tørr og ekkel. Reinsemjølka svir heller ikkje viss eg får ho i augo, og mascaraen går av så lett som berre det. Eg kjøpte òg ein lypsyl i same merke. Eg har blitt avhengig av blåkvit lypsyl, som berre tørkar ut leppene, men no er det slutt!

Eg har googla meg fram til ein million ulike nettbutikkar som sel diverse organiske produkt, og fann til slutt ut ein som eg likte godt, nemleg So organic. Her har eg no bestilt lipgloss og mascara. Og meir skal det bli!

Etterlysing

Og moralen er: ein bør ikkje plassera betydningsfulle bamsar i ein søppelsekk, og tru at det skal gå bra.

Dette er ei bok-åtvaring

Til sals i ein bokhandel nær deg. Eg er rysta!

Lukka er

... å sitja i ro og mak på Smart Club, utan å sjå på klokka, og eta gigantisk, dritgod softis med hakka nøtter både i botnen av begeret og på toppen av isen, med ganske god, stor kaffi til, medan regnet høljar med utanfor, og ingen kan finna meg eller krevja at eg skal gjera noko som helst, og medan eg planlegg å kjøpa verdas største reker inne i butikken. Og når eg ser alle dei softis-grisande og hylande ungane rundt meg, skjønar eg at det gjeld å leva i no-et og nyta det medan ein kan.

Skipper & mate

Ja, det er tittelen på dette herlege kunstverket frå 1913, av Clarence Underwood. For eit motiv! Uredd og tøff dame i skjørt som styrer ein båt i hardt ver medan eit hankjønn klamrar seg fast i redsle! Fann det på eit postkort i serien "Gamledager's postkort" (med apostrof, ja) på Sjøfartsmuseet. Skulle veldig gjerne hatt det i A3-format på stoveveggen.

Eit sikkert vårteikn er ...

... når det er heilt openbert at eg må tørka støv av plastblomane på kontoret.

8. mai

Det er ei velkjend plage at handelstanden fyller opp med julesjokolade i oktober og påskeharar i februar. Dei sel ofte 17. mai-effektar i god tid òg, men det som til no har vore nytt for meg, er at dei FLAGGAR lenge før! I dag er det ni dagar til 17. mai, men utanfor Bryn senter vaiar norske flagg i vinden allereie. Det same såg eg i går og dagen før der på andre stader. Kva ER dette? Truleg er det den beste pynten dei kan koma opp med for å få folk til å kjøpa 17. mai-stæsj. Dei er desperate. Men eg kjøpte faktisk eit flagg.

Interiørtipset

I serien interiørtips er vi no komne til prikken over i-en på eit kvart bad med respekt for seg sjølv, nemleg det som på engelsk heiter happy bathroom companion matches. Ikkje nok med at dei er praktiske, dei tek seg ut godt ut òg. Difor er dette altså eit interiørtips. Fyrstikkene sin funksjon blir aller best forklart på baksida av fyrstikkpakken som no står kledeleg ved sidan av badeanda på vasken vår:

Eg har sydd min fyrste kjole!

Dette var utgangspunktet (vesle meg og eit digert mønsterpapir):

Dette er resultatet (ja, eg greidde det, hurra!!!):