Noko av det luraste vi gjorde då Tryggve byrja å dra bøker ut av bokhyllene, var å plassera alle barnebøkene i dei tre nedste hyllene. Så no får han herja fritt! I og med at både eg og Knut har arbeidd i forlag og fått gode rabattar på bøker, har det samla seg opp ein del (barne)bøker, for å seia det mildt, så det er mange hyllemeter å boltra seg i. Vi har lagt lammeskinnet på golvet for å gjera det triveleg å sitja og bla i bøkene. Vi har prøvd å laga ein slags lesekrok, rett og slett. Men Tryggve er ikkje så interessert i at vi skal lesa høgt saman med han (enno). Han vil helst bla sjølv i eige tempo, han vil halda bøkene opp-ned, og han vil sitja på dei. Han har også byrja å "rydda" i hyllene ved å flytta bøker frå den eine hylla til den andre. Her kan han halda på og romstera ganske lenge. (Det går også hardt utover alle cd-ane som er plasserte innanfor rekkjevidde, men det er ei anna sak.)
Og dersom du har lyst på bøker som både er fine å dra ut, fine å sitja på, fine og bla i og til stor glede for både liten og stor, kan du melda barnet inn i verdas finaste bokklubb,
Blåmann barnebokklubb.
2 kommentarer:
Knalltips! Her har lillemor begynt å dra ned alt hun får tak i fra bordet. Tipper hun hiver seg over bokhylla så snart hun klarer å komme seg bort dit på egenhånd.
Takk for tips til bokklubb også. Man kan jo aldri få for mange barnebøker, synes jeg. :)
Ja, barnebøker er stor stas. Gled dykk til vesla oppdagar bøker:-)
Legg inn en kommentar