Boktipset!

Frå min splitter nye iPad Air må eg dela eit boktips.

Eg les nesten aldri skjønnlitterære bøker. For det første prioriterer eg å strikka når eg først får tid til å setja meg ned om kveldane. For det andre har eg slutta å lesa på senga, noko eg som regel alltid gjorde før eg blei mor. For det tredje er eg ein særs utolmodig og kritisk lesar. Det skal mykje til før ei bok fenger meg. Eg les stort sett bøker av dei forfattarane som har gjeve meg gode leseopplevingar tidlegare. Men i alle fall var det denne boka som nettopp låg i fanget mitt:

Eg hadde kome til side 12 i dag tidleg, og no er eg ferdig. Eg har brukt kvar ei ledig stund i dag til å lesa. Mannen måtte både bada og leggja sonen. Fordi eg var så hekta. Dessutan seier det alt om ei bok når eg legg vekk strikketøyet til fordel for å lesa. Eg har ikkje strikka ei maske i dag. Men det skal eg gjera no! Les boka! 

Og til slutt: Agnes Ravatn er ein forfattar eg vil tilrå å lesa alle bøkene til, både når det gjeld fortidige og framtidige utgjevingar.

PS: Eg tek i mot lesetips frå kloke hovud, så del veldig gjerne boktips med meg, altså!