29. mars 2009

Vårteikn i heimen

Eg har vaska tøystoff på rekkje og rad og er klar til den vårlege aktiviteten som sying er. (Før ein skal sy noko, må ein vaska stoffet på den temperaturen ein har tenkt å vaska stoffet på seinare, slik at ein unngår at stoffet krympar seinare.)

Eg har hatt skikkeleg vårreingjering i kjøleskåpet og startar med noko nytt: lappar som viser kva som skal stå kvar. Det har gått bra ein heil dag – eg er enno optimist!

Eg har leita fram posen med tomatfrø som eg tenkte å så i fjor, eller var det året før der ... I alle fall: eg har tenkt å så i år òg.

Eg fann dette fantastiske salongbordet på Finn.no til 150 kr! Det er frå 60-talet og i perfekt stand. Student-IKEA-borda som stod der før, er donert til loppis på Mortensrud. Hadde eit mål om å finna lamper på loppis i år, men det er jo så utruleg fullt av folk på alle loppisane no til dags, så for meg er Finn.no eit minst like bra vårteikn som loppis.

I dag drakk vi te på verandaen i yttertøy og vintersko (Knut i skisko for å prøva minska irritasjonen over at han ikkje har gått noko særleg på ski i vinter). Sola varmar ikkje heilt enno, men vi SER i alle fall sola!

2 kommentarer:

Kort og Søm sa...

Hei,
stoffet til pannebåndet kommer fra Stoff&Stil.
Det er bomulls strech!
Så fine stoff du hadde til tørk,
hilsen Fredrikke :o)

ragnhilda sa...

Ja, fine stoff! Kjøpt på nettet:-) Men eg har tenkt å kjøpa på Stoff og stil òg, eg har vore der for første gong no:-D