9. januar 2011

Hals

Eg har strikka ein hals til søtnosen, som eg brukte lang tid på å fullføra, sjølv om det var eit lite strikkeprosjekt. Det var fleire ting eg ikkje var nøgd med denne gongen, og eg måtte verkeleg ta meg på tak for å bli ferdig.



Oppskrifta var frå Strikk til nøstebarn, og eg måtte strikka med tynnare pinnar enn i oppskrifta for at halsen ikkje skulle passa til King Kong. Eg brukte eit garnnyste eg kjøpte i København i fjor, trur eg. Merinoull. Litt glatt å strikka med, så eg var ikkje heilt komfortabel med det. (Men mønsteret blei jo veldig fint.) Det som likevel gjorde meg mest irritert, var at halsen krølla seg nedst og på sidene. Grrr.

Og så, då eg var ferdig, fann eg ut at guten eigentleg ikkje treng nokon hals. Han har nok av varme klede. Dessutan har han ikkje så lang hals enno. Så kva gjer eg då? Jau, ventar til neste vinter og ser. Eg trur nemleg halsen kan passa då òg.

Eg gler meg veldig til å visa fram det neste strikkeprosjektet mitt! Snart ferdig no!

5 kommentarer:

Strikk og tøys sa...

Syntes halsen ble fin, jeg - og fargene veldig fine.

Godt den kan hentes fram neste år og.

Strikk og tøys sa...

Denne kommentaren har blitt fjernet av forfatteren.

Torunn sa...

Synes halsen vart fin og flotte fargar. Håpar den passar til neste år og. Ønskjer deg ei fin veke.

wine-fueled narcissism sa...

så søt! :)

Ragnhild sa...

Takkar:-)