17. februar 2009

Oslo frå si beste side


Dette biletet tok eg med mobilkameraet ein februarettermiddag i (minst) ti minusgrader. Eg stod ved operaen og beundra den blåraude himmelen og danskebåten og tenkte at dette ser jo slett ikkje ut som Oslo. Det var noko vestlandsk over det heile. Dei einaste lydane eg høyrde, var danskebåten som tuta i det han tok laust og ei mannerøyst som snakka over høgtalarane om bord (ja, eg høyrde røysta så langt unna!). Eg såg føre meg alle dei frosne danskane om bord som sikkert gledde seg til å vera framme i litt varmare strok, og eg merka at eg var litt misunneleg, sjølv om eg var vitne til at Oslo synte seg frå si beste side.

1 kommentar:

mamma sa...

Flott bilete!